網購

大家有沒有試過網上購物？

早陣子在大陸網站買了一件厚外套，上星期因為天冷用得上，借了給 Pan 穿（因為買大了，弄錯了女裝和男裝大碼），一穿竟然在衣袋找到１５元人民幣！！

呵呵，買衣服有回贈耶～～

但，為什麼會有錢在裏面？是賣家試穿了把錢留下來了？真費解．．．．

美食

呵呵～～

「和宴」又寄咗$100 Coupon俾我．．．．

又可以去食烤肉啦～～

准考証

今天回家收到日文3級試的准考證。

考上午，８：３０入場．．．．咁早．．．陰公～

不過更重要的是看考試地點，我的第一志願是香港島，最怕被分配到沙田．．．．

一看，竟然是．．．．我返 B 記考試呀！！！

真係橋．．．．哈哈～

話時話，我畢咗業之後都好似冇乜返過去喎．．．

韓國(4)

繼續仁寺洞（這是最後的了，看我這般寫法，真不知寫到何時．．．．）

仁寺洞真的有很多傳統風味的餐廳和店舖。

還有和日本很相似的雪糕甜點，以及很漂亮的傳統糕餅店。我因為之後還要到日本去，所以不能買回香港給家人嚐嚐。

韓國(3) - 傳統茶院

在我的提議下下，我們Shopping之後去了在仁寺洞的韓國傳統茶院。

我點了玉桂茶和傳統糕點 set ，我覺得好好味啊～（呵呵，因為我最愛點心和飲品了）還有便是 relax high tea 的感覺。

有想過可能這是騙外國人的地方，但當日所見也有不少韓國人光顧，大家都悠閒地在陽光下（也有室外的）喝個茶和朋友閒話家常，感覺很好耶～

我去過京都的茶室和今次韓國的茶院，都有想，其實香港也可以有類似的茶院呀～台灣也有喝中國茶的地方呀～如果是可以讓人放鬆休息的地方，應該很不錯吧～

泰國東方航空

計劃着下一個旅行，上網看 Package，發現泰國東方航空的時間最好。

於是問去過 Bangkok的小妹這間航空如何（她每次都有做功課的），她說她的一位「乜都夠膽死」會瞓機場的朋友都話死都唔搭東方航空．．．．

嚇得我！立即叫 Pan 上網 check 吓它的風評，結果完全爆笑：

如果有第二個選擇, 最好唔好揀佢
好處, 時間好, 每日有兩班, 分早及夜機價錢平
缺點, 遇到peak season, 常delay, 我朋友試過delay 7 小時
機身舊, 通常是買人地航空公司的舊機, 例如華航, UA
機位窄及飛機餐難吃…都唔重要最斃係臨起飛先開冷氣, 焗到死, 遇著落雨有機會會漏水

我早前搭過1次,我嗰班就延咗2嗰鐘,而早我一班的航班就起機後半粒鐘折返,因一邊機翼冒煙(後來睇新聞知).機倉就勁殘同一陣味,我一定唔會再搭.

有得'簡'都唔搭呢間,真係好舊好殘,入到機倉睇到已經無晒安全感,D safty belt 唔係條條work嘅,個位D坐墊爛到可以攞起, 咪搞,心驚驚兩個幾三個鐘都咪話....

永遠黑名單---泰國東方航空(坐飛機無冷氣)
我啱啱去完泰國返黎,真係不吐不快! 今次去泰國就係搭泰國東方航空,去程時搭ox203坐機尾,架機已經好殘,座位既椅柄有d爛左,只係黏番膠紙就算,最離譜都係廁所既閂門製粒的,竟然無左,要閂門時,要自已伸隻手指入去推個門椊,我已經心諗竟然有d咁既飛機! 到我返黎香港時,係搭5月4日既ox200,我估唔會好似黎個架咁殘喇掛! 點知原來仲離譜,等上機時,無廣播話上得機,我地有十幾廿個香港人坐係度等,到有其中一個乘客行過閘口,先發現已經最後召集,跟住大家拿拿臨上機! 去到飛機下面等上樓梯時,發覺有d乘客企左响門口,無入飛機,已經覺得好奇怪,入到去時,先知道原來飛機無冷氣,我都係第一次坐飛機無冷氣!因為當時出面都成三十幾,四十度,大家都好古燥,但係空姐亦答唔出點解,而飛機既燈又著住,就熱上加熱,咁梗係想快d熄左佢,但係又襟黎襟去都熄唔到自己盞燈,先發現原來自己個位盞燈,係要前面座位既人熄,自己個位,就控制後面座位既燈,呢架機真係幾奇怪! 當所有人上曬機,就即刻起飛,大家即刻好擔心,無可能幾百人响飛機倉入面焗住兩個幾鐘,我自己都開始覺得有d暈,架機仲有小朋友同老人家添!跟住機長先話要飛機升左十分鐘,先至有冷氣,大家唯有照焗住响機倉,到等左十幾分鐘,有番d冷氣,個人先至舒服d,好辛苦先捱到返到香港,佢已經即刻熄冷氣,d人話可能係慳電,我同我老公返到香港仍然覺得唔係咁舒服,所以以後佢就算幾平,都永遠唔會再坐佢既飛機! 大家坐泰國東方航空真係要好好考慮!!!!!!

我有朋友坐東方航空...(溫哥華返上海)架機..Free Falling兩秒....架機咁重....兩秒war>..可怕可怕

嘩～～我覺得蔚為奇觀囉．．．．啲評語好有「就算地球毀滅泰國東方航空係最後一班飛機我都唔會上」嘅憤慨．．．．．