4:15am 落樓，６點未到就到咗機場。
唔知點解竟然突然心一虛，問咗個地勤一句：我去上海轉機唔駛回鄉證架呵？－好明顯係設問句，即係心中有 expect 的答案，因為我冇帶．．．．．
個小姐輕輕答咗句：要架～
吓，我去轉機咋喎！嚇到我，再問，個小姐問佢隔離個小姐，那小姐話：唔駛架喎～
咁我好緊張叫小姐幫我 check 真啲，佢話應該 OK 嘅（個嘅真係攞命！），又叫我下次記得要帶，唔係轉機就唔駛．．．咁又話得？
就係咁，我帶着好不安的心情上咗飛機，好驚去到上海要遣反呀．．．．個旅行對我好重要架，我唔可以去唔成架！！！
好擔心咁好到上海，個地勤帶咗我行一條秘密通道，原來真係要過海關架！！
我交個passport俾個海關，佢問我有冇回鄉證，原來真係要架！！咁我話冇呀，香港嗰邊話唔駛架，咁佢只係問多我一句：沒有是不是？然後就用我個 passport左整右整，搞咗好耐呀！我個心一真係咁跳，所以當佢 chop 咗個印响我個passport 度，我幾咁開心，真係非筆墨所能形容呀！
到咗關西，我立即去JR Centre 換 JR pass，同預約旭山動物園＆Twilight Express 的指定席，結果好出乎意料，一真被指一票難求的 Twilight Express 有位，反而旭山動物園只有去程，回程已經滿咗，都好嘅，我諗我睇完北極熊都走架啦，可以早啲走都未定．．．．
