上網大塞車

好煩，上網塞車幾日啦，都未好番哂，上網好慢，我的 blog 都唔係時時開到。

希望快啲正常返啦～

新工作

星期三開始新工作了。

感覺呢．．．張枱好細囉．．．唔知點解，我的工作環境好似愈做愈細？雖然其實我上一份工已經係坐大的位啦，但都係比第一份工的位細一點，但依家呢．．．應該叫坐返啲正常 size 的位啦～

同事呢，OK 啦，好似都幾 nice，老闆都好似幾 reasonable 咁。不過一如所料，由於同事一般都做左最少十年以上，又好少新同事，所以有比較强的圈子，新人會比較難加入，不過 OK 啦，我都係返工啫，唔係去識朋友啦，而且慢慢應該會好啲，當然唔可以同上一間公司的同事仔比啦～

哈哈～而且我發覺，上一份工唔知係唔係老闆家教甚嚴還是請人有方，啲同事都真係好 presentable ．．．

返工三日，其實都未正式開始做嘢，因為大家都好忙做緊 salary review，未太得閒理我。下星期應該會好啲啩．．．．．

東京之旅（三）

第二天去了原宿，第一站去了我的至愛「明治神宫」。一直覺得在潮人（其實應該是有點「喪」）集中地如日本旺角的原宿裡有這樣的一個寧靜而莊嚴的神社，讓我覺的這地方真的很有趣。

在神社剛好遇上了有人行婚禮，一幫的親友便跟着一對新人一直由一個 Hall 行大運到另一個殿，一路上還有一班不同國籍的遊客舉着傻瓜機一直拍，我也真的老實不客氣一路的拍着video ．．．



他們的禮服，都幾靚！

東京之旅（二）

我們今次住山手線的新大久保站附近，這是我們每天必經的車站．．．






另外，因為是冬天，而東京很多地方都種了銀杏樹（我想看葉子的形狀應該是吧～），風一吹，很多很多的樹葉飄落，好像下雪一樣，但比下雪要乾淨清爽。

但真的很冷，尤其是 Pan ，一直嚷着下次不要再在冬天去旅行，在香港又很少看到有很多樹落葉的情況，所以以後看到的機會應該不多吧～

東京之旅（一）

Last Day 第二日就出發去東京啦，雞咳咁早就要去到機場。Check-in 完，入閘食個 Popeyes早餐先～



上左飛機，又有飛機餐食啦，一如所料，都幾難食～


四個幾鐘之後，終於到逹成田機場！坐左一個幾鐘京成電鐵，去到民宿放低啲嘢，就即刻向朝日電視台同六本木山進發！

揾到啦揾到啦～！＜我們這一家＞的精品呀～銀包第一站大出血．．．．我仲同阿媽個公仔影左相呀！開心死！

之後去行六本木山，貴野唻，唔多啱我。跟住去揾野食（係呀，又食啦～），本來 Pan plan 左去一間同事推介的壽司店但又唔識路，咁揾緊其他野食的時候，行行吓間壽司店竟然又出現响我哋面前，我先又發現，原來就係我上次去日本當地的朋友帶我去過嗰間～ 我哋兩個於是就決定豪一次，叫左個 sushi set。以下節錄幾張相（Warning: 如果你好鍾意食壽司，以下的相片可能會引起不安，或者有極度肚餓的反應，建議看前先通知身邊的人，在你有可能激動暈倒時扶住你．．．）


好味到震的三文魚子同雪糕海膽！！！

笨．．．

為什麼忽然勤奮起來，一天兩個 Blog Entries？

因為有人好笨囉，唔記得帶鎖匙，依家被困 Club House 用緊電腦，等緊 Pan 放工返唻救我．．．．．

新聞

今天在蘋果看到一有趣的新聞，忍不住在這裡轉貼一下有關的 Headline：

持 指 甲 銼 維 園 劫 情 侶 遇 警 員 騰 雞 賊 劫 570 元 退 還 1200 元

【 本 報 訊 】 銅 鑼 灣 維 多 利 亞 公 園 昨 凌 晨 出 現 「 指 甲 銼 」 劫 匪 。 一 名 青 年 懷 疑 第 一 次 「 做 賊 」 ， 在 公 園 以 指 甲 鉗 內 一 吋 長 指 甲 銼 作 武 器 ， 威 嚇 一 對 情 侶 劫 去 570 元 及 一 部 手 機 ， 竟 意 猶 未 盡 ， 挾 持 兩 人 至 公 園 外 銀 行 櫃 員 機 提 款 途 中 ， 女 事 主 遇 上 警 員 呼 救 。 賊 人 見 警 員 出 現 「 騰 雞 」 ， 嚇 得 即 時 遞 回 一 疊錢 及 手 機 予 男 事 主 求 脫 身 ， 終 被 警 員 拘 捕 受 輕 傷 ， 與 受 驚 女 事 主 同 送 院 檢 查 。

好得意，在這個認真的城市裏還有這麼業餘的賊人，不知為何真的覺的不錯。尤其在賢仔的案件近日又再成為新聞，才更希望有些事情都不用那麼專業．．．．．

回家

我返左嚟啦～！其實星期日晚落機，但昨天又和媽媽＆熊貓妹去了工展會（幾忙呀！），所以今日先再寫Blog。

總結今次東京九天之旅呢，可以用一個字形容，就是～爽～！不停的吃不停的買，可以說是破產而歸，連平日不甚買衫的Pan也大出血～臨走前一晚，看到地上一袋二袋的場面，才知真的買了這麼多東西．．．．．（因為我們都把買回來的東西掉到衣櫃裹，眼不見為乾淨，嘻嘻～）

在 load 完 Pan 那相機的相片後，我會嘗試在這裏寫一下這次的趣事。

自製信用卡

這張信用卡的照片是我去年中在京都拍的，好靚呢，係咪？（快啲點頭啦！大力啲！）

依家可以自己選擇相片，作為信用卡的卡面設計，雖然上面看到的只是Demo Card，但Pan已經成功用它出了一張真的卡了！呵呵～我的大作如今成了一張真的credit card，Pan 你果然有 taste 呀，哈哈哈～！

我仲未見到張卡的實物，唔知靚唔靚呢？