上左飛機，又有飛機餐食啦，一如所料，都幾難食～
四個幾鐘之後，終於到逹成田機場！坐左一個幾鐘京成電鐵，去到民宿放低啲嘢，就即刻向朝日電視台同六本木山進發！
揾到啦揾到啦～！＜我們這一家＞的精品呀～銀包第一站大出血．．．．我仲同阿媽個公仔影左相呀！開心死！
之後去行六本木山，貴野唻，唔多啱我。跟住去揾野食（係呀，又食啦～），本來 Pan plan 左去一間同事推介的壽司店但又唔識路，咁揾緊其他野食的時候，行行吓間壽司店竟然又出現响我哋面前，我先又發現，原來就係我上次去日本當地的朋友帶我去過嗰間～ 我哋兩個於是就決定豪一次，叫左個 sushi set。以下節錄幾張相（Warning: 如果你好鍾意食壽司，以下的相片可能會引起不安，或者有極度肚餓的反應，建議看前先通知身邊的人，在你有可能激動暈倒時扶住你．．．）
好味到震的三文魚子同雪糕海膽！！！
沒有留言:
發佈留言