新手機

又敗家啦又敗家啦！！！

因為用咗年半的Nokia 7300機身後面個蓋離奇失蹤，所以個電池成日甩出來，而且個 key pad 有幾個按鈕接觸有點問題，好難按．．．

咁我咁啱經過，咪去睇吓啲手機囉～點知，由睇到買都唔夠一個鐘．．．．

買咗 Nokia N73，貪佢有３２０Mega Pix相機。＄３２００，行貨，送１G咭及一個 accessories 的 set，有膠殼、screen protection sheet、USB charger、一舊電池、handsfree 線．．．．

其實依家啲電話太多功能，真係冇心機睇本好厚的說明書．．．．．

我家的Wallpaper

這是我家 PC 現在的 Wallpaper，是小妹 download 的～

搵命搏！

小妹今晚給我看的 video clip，真係嚇Q死～

真係唔好搭中國民航飛國外，完全搵命搏！！！

受傷．．．

噚日去咗 Conrad 食 Buffet，諗住今日會寫吓個 buffet啲嘢，點知第一樣寫的是我．．．整親．．．

噚晚因為太熱，所以去開冷氣，仲企上櫈度開大啲。點知企唔穩跌咗落嚟．．．．

當時已經覺得隻腳趾公好疼，貼咗膏藥。今朝起身之後仲好疼呀，隻腳趾黑咗同腫咗，但因為公司的兩間跌打都冇開，所以打算聽朝先曠工去睇．．．．

行唔到呀，今日全日都冇出過街．．．只係可以由 Pan 伴同落去樓下７仔買咗兩本雜誌咋．．．

喵喵 Blog

除了陳胖胖的 Blog 以外，小妹還推介了另一個喵 Blog 給我～




奶茶真的好靚女啊～～

http://blog.sina.com.tw/milktea/

陳胖胖

近來很愛看的Blog，貓咪超可愛的！！！

牠叫陳胖胖呀～

http://blog.roodo.com/cats/

http://blog.roodo.com/cats/archives/3267503.html

I Don't Want To Go To .......

上星期搭巴士返工，車上面有一對父女，看來是南亞裔人，想是父親送小女孩上學。

整個車程，小女孩一直重複一句：I DON'T WANT TO GO TO SCHOOL !!!

好大聲，而且真的沒有停過，任憑她爸爸如何安慰，都還是沒有停。

想起以前的一位老闆，非常的疼愛她的兩個女兒。如果她的寶貝女兒這樣說，想必求仁得仁。但，我覺得還是不可以這樣，如果我是她的父母，我會直接告訴她，這個世界很多東西不是你不想做便不用做的，今天如是，明日亦如是。你不願做，願意的人多的是，只是後果自負罷了。

記憶所及，自小便明白這個道理，要現在舒服一點，將來好辛苦；還是現在下一點苦功，好叫將來的路好走一點？讀書的時機一過，要補回來便要花多好多好多氣力去追。而且，真的只下了一點點苦好了，又用不着做人中龍呀，做好功課再去玩好了，早做好早去玩嘛～

我都想話：I DON'T WANT TO GO TO WORK 呀～!!!

熊人熊貓遊走愉景灣

昨天端午節，好好天氣，有兩隻無聊動物走咗去愉景灣。

興致勃勃走到去中環碼頭，等到差不多有船便入閘，一嘟八達通．．．$27 呀！！！當堂成個呆咗．．．．

咁叉貴？！來回成 $54 喎！

果然，個碼頭好靚，隻船都係我坐過最靚嘅（成隻去澳門啲 Turbo Jet 咁架～）。隻船行咗半個鐘頭就到喇。

至於愉景灣依個地方呢．．．一個好鬼佬嘅地方囉～不過因為是日端午，有龍舟响沙灘，而且周圍都好多人，而且有好多 booth 呀，賣啲雜貨呀、嘢食呀咁，好都食咗 hotdog 同 vegetable samosa，仲响好熱嘅天氣下飲咗老麥冰滑奶茶（好飲過平時好多架！）。

留咗幾個鐘之後我哋就返屋企喇～

由於船費真係好貴，算是到此一遊啦，我諗都冇下次架啦．．．

(P.S.: 原來愉景灣有 Flying Pan 架！但我哋實在太飽喇，所以唯有下次去中環食啦．．．都講咗幾年 lu．．．都未成行．．．)

富裕

是日父親節，祝天下父母快樂滿足。

晚上明珠台的新聞透視回歸節目，說到香港人９７前的炒股炒樓熱潮。當中有訪問一對夫婦，以前上落幾百萬，之後又損失爛腳，現在二人洗盡鉛華腳踏實地經營餃子店。

由於那時還小，加上父母一直沒有任何炒作，對那時的熱潮沒太大的印象，也一直沒有奇怪為什麼父母沒有去賺快錢。

９７之後，眼見很多人傾家蕩產、跳樓失常，一直到現在，還是很慶幸父母那時沒有靠炒作為生。亦令我明白，炒作不能代替辛勤工作，而且就算賺的少，投資也要以穩當為主。

真的要多謝我的父母，使我的人生沒有需要經歷不必要的起落，給了我一個平實安樂的童年，也因此可以無憂無慮的讀到大學畢業。

雞先生．．．．

噚日放工搭巴士經過灣仔，响喜帖街附近見到一奇景．．．．

我見到一位著住公雞套裝的先生（我估係先生）响街上行，有戴頭套架，套裝的款式仲係許冠文响「雞同鴨講」入面嗰款．．．．

佢拎住個膠袋，好似散步咁，一啲都唔似做緊 promote 之類，我絕對覺得佢喺做完嘢冇換衫，放工返緊屋企囉．．．．

銅鑼灣 En

又係食啦～


銅鑼灣 En 的沖繩午餐（星期六）

我的炒苦瓜：


Pan 的魚生飯：


好好食呀～

新衫

上星期買的所謂回歸記念 T。


前面


後面



佢塊面同尾都係珠片唻架，閃令令架～

愛民芒

今次去台灣，食咗好好好好食的台灣愛民芒，真係呀，又香又甜，好食到～震～！！

唔知香港有冇咁好食的賣，又貴唔貴呢？

君悅排骨

大特寫：

台灣的君悅排骨，看旅遊書介紹，說劉德華也愛吃。

試過，真的不錯。好味～

去旅行，真好．．．

也幸好，令人極低落的消息，是在回來上班的第一天才聽到，算是讓我安安心心的去了一趟旅行。

再去，不知到是什麼時候？希望快些請到人，我很期待下次的假期，和脫離現在如此無助的感覺～

靚咩?

今日睇電視，香港小姐廣告，最後一句：「靚得稜角分明」。

「稄角分明」？？乜用唻形容人架咩？？？形容死物架吓嘛？！我淨喺知「輪廓分明」咋喎～

而且個樣好似稜角咁形？如果人哋咁形容我，我諗我會嬲囉～！ 哈哈～

熊貓妹話咁既形容，佢會諗起黃宇詩．．．．．

台灣買物

台灣之旅的另一買物，在誠品買的貓咪耳環座～

上面塊膠用磁石連着貓咪的尾巴，可以拿下來的，方便拿耳環。

港幣唔洗＄３０，好抵！

其實今次去台灣，由於台幣平咗，加上香港啲嘢又貴咗好多，比較兩年多前及再之前去的時候，買嘢同飲飲食食好似平咗好多，覺得好抵～！

台灣名物

哈哈，難得有一日補假，連着佛誕假期，一共四天，便不顧一切到台灣跑了一趟。

買了台灣名物**衛生綿花糖**返來，送給各方好友，大家都好高興～哈哈，在公司傳了兩包，同事們對它們也很有興趣，反而其他鳳梨酥就冇咩人拿（等我仲專程去買，熱死我！）。

乳豬

多謝哂我的同事仔送咗一張佢用唔着的乳豬贈劵俾我，所以我同 Pan 响５月１８日又來了一個暴食之夜～（因為好忙，所以依家先補寫返．．．）

張劵話兩至六位送半隻，真係冇呃人喎～冇話見你得兩丁人就求其俾兩塊你。

好犀利呀，平時去飲，俾幾百蚊都食得兩塊咋～

我哋都有幫襯架，叫咗個＄１６８套餐。

真係飽到嘔～

福佳始終有你

嘩～好熱鬧呀～ 好多人post 喎．．．

好，我又 post！

真係好鬼抵死～

懺悔

我要懺悔呀．．．我今日食咗老麥板燒雞腿包餐呀．．．唉～肥死！

好(肥)味的母親節~

是日母親節，我同阿妹係孝順女嚟架嘛，所以上個星期送完禮，今日就倍媽媽食早餐，再去太古城行街。


第一站去咗食貴雪糕，我哋三個人食咗個 tea set 呀！有４個雪糕球，４件 cake，同一堆生果，再加兩杯飲品～我叫咗凍杏仁茶，好好飲呀～（但嚇死小妹！）妹的 cappucino，我哋都覺得我難飲．．．



個 set 呢，我覺得超好味！除咗啲奇異果完全唔食得之外，都好好食～


之後我哋行咗永安、Apita、Uniqlo 同 Muji, etc.


返屋企之前，我哋又去咗吉之島 food court 食嘢，食咗魚蛋、燒賣同糯米糍，啲糯米糍係我好鍾意食嗰啲，用熱的糯米團放响花生糖碎上面擂同剪成一粒粒，食嗰時仲熱架！我一直好鍾意食依樣嘢，但好少地方有得賣，所以我以後一定會成日幫襯架！！！

炸豬扒

弊！睇見自己４月１６號個 blog entry，好想食炸豬扒添！

唔得！減到肥先准食！！ >_<

好忙．．．

開始返依份工時仲喺blog度話過冇嘢做，依家真係連本帶利還俾佢！

早兩日聽到有同事喺屋企開工到凌晨４：３０，第二日仲要準時返工喎，好得人驚～　我諗，我真係冇可能囉！如果俾我要趕工，也只可能到２：００am咋啩，困為我真係頂唔到眼訓．．．

而且，我唔算好熱愛工作啩．．．．

肉赤

今日收到信用卡月結單．．．．

唉～睇嚟我今個月要慳啲洗先得啦．．．．嗚～

錢進！錢進！錢進進！

今天在公司看報的時候（對！我的工作還包括看信報！），看到關於中國網民創作有關國內的炒股熱潮，有新編的《義勇軍進行曲》（國歌），幾得意：

起來！

還沒開戶的人們！

把你們的資金， 全部投入火熱的股市！

中華民族到了最瘋狂的時候，每個人都激情地發出買入的吼聲。

快漲！快漲！快漲！

我們萬眾一心， 懷着暴富的夢想，

錢進！錢進！錢進進！

放假

好鍾意<新假期>嗰句「一返工，就想放假。」

正正是我們這一代「去玩緊要過返工」的寫照（噢～當然也有熱愛工作的，Sorry ～）。

偏偏我份工，６個月probation不特止，仲要第一年唔可以攞假，對我依啲懶人，真係呢．．．．．以前喺佢阿媽度做時都係第一年就放得嘅．．．

不過冇法啦，唯有諗，他朝走嘅時候咪補返多啲錢囉。

但，有得選擇，我寧願第一年放假囉～

心情

um ．．．發現一個人呢，心情好時，所有東西看來都不錯。

同一件事，心情好時，一切都無傷大雅；心情不好，雞毛蒜皮也大不爽。

而且由於心情好，笑得出，身邊的人也受感染，做起事來也較得心應手。

偏偏我又是極情緒化的人（不知是否荷爾蒙失調．．．），心情落差很大。

希望近日的好心情可以維持長一點便好了～

Donkichi

上次去世貿中心 Donkichi 食既 set 呀～

好好味！！

百萬行呀～

我今日竟然６：３０可以放到工～

好犀利呀我，由上環公司行路返屋企呀，不過因為著住幼踭皮鞋，行到差啲腳抽筋．．．

其實都係想做多啲運動咁啦，因為我真係好懶做正式的運動，唯有行多啲啦～　

不過下次都係等著對舒服啲既鞋先．．．

整形

前晚和 Pan 說到雜誌上的整形廣告，他忽然無聊問我：「如果你去整形，你最想整邊度？」

我問：「係咁唔使理幾多錢同副作用先？」「係呀～！」

「咁呀．．．．．抽脂肪減肥啩～因為個樣都唔算好唔滿意．．．」

Pan 停咗一陣．．．「其實你有冇諗過整細啲個頭？」

哈哈～我個頭真係好大我知呀，所以好難買到帽戴，但佢陪左我咁多年，好有感情架～係我既嘜頭嚟架，所以我冇諗過要整細啲喎～！

花樣少年少女

復活節做咗好多頹廢嘢，其中還包括好耐冇做嘅煲劇～

睇咗幾晚「花樣少年少女」，好開心呀，套劇好好笑，睇完好似個人都後生咗（尤其睇到吳尊同 Ella 其實都唔係細我哋好多啫，都扮學生！～）

哈哈，我都要好好保養吓自己先！得閒扮靚啲，心情都會好啲～

胃口

好難得，復活節假期最後幾日，突然變得冇咩胃口。

我就利用依個難得的機會，食少啲嘢。

但幾日下來，好像也沒有瘦多少．．．唉～

今日，仲好似有返胃口添．．．．．

又好返??

依個blog好怪，今日响上網找另一個 blog 用時，佢又好似好返．．．都唔知仲用唔用佢好．．．．．

Anyway, post 一下相先～這是我在Pan生日煮的牛扒，很不錯吧～（在昏暗的燈下啦，呵呵呵～）

好耐冇blog用

Blogger 自從轉成 Gmail login 之後,成日都有問題,搞到我好耐冇 blog 用啦～

今日好似好返，不過唔知好得幾耐．．．．　唉～

冇Blog用．．．Blogger 好多日都打唔到content。可能以後都寫唔到blog lu．．．

巴黎牆上的貓

星期六的澳門之旅，玩的非常盡興，加上今次加插了賭場的參觀，有地方休息和坐，也沒有如上幾次的吃的很撐，所以剛剛好。

在找吃的途中，看到一個工地的圍板上有這樣的一幅畫：

很喜歡，所以拍了照。也完全沒有深究那工地在建啥。

Citibank Credit Card

無聊捉錯字，在 Citibank 的網頁上找到的信用卡介紹。



什麼是「大費」？


其實就算是「更大消費空間」，都寫得幾差，真係寫咗等於冇寫．．．．．

畢業旅行

上星期終於完成 MBA 的功課，星期六去交了功課，終於有種一了百了的感覺（對！這是多麼不負責任的態度～）。

一度計劃今個星期六到澳門來個一天遊，但因為大貴，所以星期日又決定作罷。但今天忽然心血來潮，想到這應該是我們的畢業旅行，便豁出去了。六時一到，便立即溜了出去 office 附近的中旅社買船票。整個過程由決定到買完票不過一個小時左右，盛為＄６５２（兩人份），好肉赤．．．

好！我要食返餐勁嘅！（次次去都會行餐勁，所以唔怕肥，嘻嘻～）


(PS : 我又好低能咁唔記得找錢，好在只係＄８，所以合共應該係＄６６０．．．唉～)

等巴士

今日早左啲走，同 Pan 去左食占仔記。

之後好低能咁行左好遠去到歷山大廈門口等巴士，仲送車尾添．．．

點知等等吓，有個傻佬响街度大叫大鬧，仲揮哂拳。佢又行兩步又停一停，又好大聲鬧同揮拳，但又聽唔到佢講乜，好鬼得人驚．．．

佢又行得慢，好驚佢會癲起上唻，打佢周圍啲人（即係我哋．．．）。

等車變得好耐咁。終於等到車來，佢仲鬧緊。雖然得救，但都覺得好得人驚．．．．．

病到悶～

真係病到自己都覺得奄悶．．．噚日又疴咗八次．．．

好忙

點解病完一返工就咁多嘢做？

我食咗藥，仲好眼瞓．．．要好用心聽先聽到人哋講乜．．．唉～仲要做啲超複雜的數．．．

我今年冇主動逗利是，一來第一日冇返都過哂廟啦，二來有啲同事我都未好有信心叫得出名．．．加上年紀都唔細喇，所以，出年等同大家熟絡啲先啦～

不過都有啲熟啲嘅同事主動過來派俾我，都收咗十封左右。

壓力

好多嘢做，又病咗，聽日返工要做快啲啦．．．

又病咗~

係呀～我又病咗啦～

今朝起身換衫已經頭暈暈，諗住長假期後第一日返工，又未過 probation，都係返工好啲，最多返工之後再出去睇醫生，點知返返吓工，地鐵北角上車之後冇位坐，去到炮台山（一個站咋！），已經暈到唔多企到，去到天后，己經黑哂睇唔到嘢，即刻落車坐响月台的櫈上，出哂冷汗。

之後坐咗好耐，都係返唔到工，所以打咗返公司請假 lu～

結果去咗睇醫生，瞓咗成日，已經好好多～又要食抗生素啦，慘～！

BLOGSPOT

近來 Blogspot 唔知做咩，迫我 upgrade 啦，但係又成日用唔到！！

好忟憎！

係囉，我就係唔知點解成日為咗啲小事忟憎囉～

唔得！深呼吸～呼～～　我要冷靜啲！！

豬年行大運～

今日年三十晚，明天就是豬年開始。

不知是否人老了，近日真的有種「不經不覺又一年了」的想法，好像時間過的很快的感覺。

近來很有一點茫然，在新公司好像不知道自己應該如何 position 自己，有時好像沒什麼大建樹的感覺，可能以前的工作比較 One-man-bank，自己做哂可以好快好 under control，但現在做 policy，所有的事都要想清想楚，做的文件不斷改來改去，整個流程需時變的長很多，加上還不太習慣不同老板的取向，有時覺的不能做的最好，便覺有點焦躁不安了。很奇怪，我沒有什麼上進心，但卻常會因為自己做的不好而覺的困擾。

但我還是喜歡做 policy 有關的工作，這裡的老板也似乎不錯（當然我不排除日久見人心．．．），所以希望我在豬年可以愈做愈好。

願來年事事順利，身邊的親友們都開開心心～

可能是市道好了，人的心寬了，加上豬年所有的裝飾都有胖嘟嘟的豬仔，好得意，所以感覺上好像是很不錯的一個新年，希望是一個好年的開始～！

盆菜

咔咔咔～

好癲呀今年，我同 Pan 去訂左個盆菜星期五食呀，仲係十至十二人食的大盆菜呀～！！！

但大同細只差９０蚊左右，要細好唔抵吖嘛～

我哋已經諗住食足六餐（星期五晚、六和日的午晚餐、還有星期一帶飯．．．．）

我們這一家

嘩～！！！無線做「我們這一家」呀！！！！！

我好想睇呀～！不過熊貓妹今日睇左，話冇台灣版咁好睇。我又覺得錄左錄影帶唔好睇．．．希望佢會出 VCD 啦～

多謝哂！！！

多謝各方好友的相助，我已經收到 credit card 設計比賽的獎品啦～！！

我會用佢影多啲相，放上 blog 度架啦～嘻嘻～

佢仲可以畫公仔架～

我要努力向上

見到爸爸減肥很有效果，非常開心。但自己一直都「dig」唔起心肝認真減肥．．．．

我一定要努力！目標廿磅！！！

天氣報告

一早起來，看電視以得知今天的天氣情況，一呆：相對濕度100%？？即我站出來也會吸收空氣中的水份？

還最高廿多度．．．花都以為春天來了，搞不好會開花啦。但星期六還會大寒呢，真的是很奇怪的天氣。

白支人工

返工第三個禮拜，返左一共八日，都係冇咩做左。

老板好忙，所以冇太多時間理我住，個個同事都好忙，只有我在做小 project 的 piece work 工作，然後一直看 file ．．．

完全冇野做，有時都幾悶。不過我知第日一定本利歸還返俾佢，所以冇咩所謂啦。但，計計數，一個五天工作的人，一個月都係返廿二日工左右，我咁樣已經賺左三份一個月糧．．．嘩～

又唔係開心又唔係唔開心咁囉．．．我諗我應該開心啱啲．．．．．