昨天端午節，好好天氣，有兩隻無聊動物走咗去愉景灣。
興致勃勃走到去中環碼頭，等到差不多有船便入閘，一嘟八達通．．．$27 呀！！！當堂成個呆咗．．．．
咁叉貴？！來回成 $54 喎！
果然，個碼頭好靚，隻船都係我坐過最靚嘅（成隻去澳門啲 Turbo Jet 咁架～）。隻船行咗半個鐘頭就到喇。
至於愉景灣依個地方呢．．．一個好鬼佬嘅地方囉～不過因為是日端午，有龍舟响沙灘，而且周圍都好多人，而且有好多 booth 呀，賣啲雜貨呀、嘢食呀咁，好都食咗 hotdog 同 vegetable samosa，仲响好熱嘅天氣下飲咗老麥冰滑奶茶（好飲過平時好多架！）。
留咗幾個鐘之後我哋就返屋企喇～
由於船費真係好貴，算是到此一遊啦，我諗都冇下次架啦．．．
(P.S.: 原來愉景灣有 Flying Pan 架！但我哋實在太飽喇，所以唯有下次去中環食啦．．．都講咗幾年 lu．．．都未成行．．．)
沒有留言:
發佈留言