B記三傻海南之旅(2)

第一天出發，我們乘 09:45 的港龍班機。

其餘兩位大小姐比較富貴，說會坐機鐵到機場。我要不要起去﹖三個人有七折喎，之前仲可以一齊搭的士去機鐵站 ～ Um . . . . . 好貴，我都係唔捨得。而且要左等右等，加上 7:45 到機場都唔算好早啫，都係自己响屋企樓下搭 E11 啦。

香港都好好天氣喎，踫上返工時間，車是滿滿的。好不容易到機場附近，返工的人都下車了，才敢拿相機出來(你知啦，人哋日日返工的路程，你攞個相機出唻影，幾異相呀 . . . . . )


到我影相，佢又有舊雲出來 ．．．

7:30分左右收到瓜的電話，以為佢哋咁早到咗，點知，佢話：「汪唔知醒，我哋差唔多出門啦﹗」

．．．．．．．．．．

8:20 左右，終於齊人。我們用了電子 CHECK-IN，幾好玩喎，又快，仲有得自己响 SCREEN 度選擇坐位。

印好了 BOARDING PASS，去旁邊的行李寄運處寄行李。忽然有人大叫：「哎呀，我冇帶個 NOTEBOOK 條 POWER 線呀﹗」

吓?!

算啦，另一位的 NOTEBOOK POWER CABLE 應該可以用啩~

好，早啲入去禁區食早餐。