熊人地鐵落難記

大家今日有冇睇新聞？

晚上地鐵觀塘綫觀塘站至調景嶺站服務暫停，而我好好彩，係其中一份子．．．．．=_=”

我９點鐘响鑽石山入閘時聽到廣播，心諗冇理由咁貴搭的士返去架，咁都係搭地鐵去觀塘先啦．．．可能去到突然整返好呢．．． （我手上仲大包細包添，唉～）

去到觀塘站，廣播叫所有乘客落車，唯有落車囉～响月台聽到有接駁巴士去油塘，可以再轉將軍澳綫(依條綫冇事)入將軍澳，咁又去轉車啦。出咗站要行一小段路，雖然好多人，但咁啱有車喎，我唔洗等，仲坐到好前。開車時見到人龍又好長，唔知要再等幾耐，心諗都好彩，如果行慢啲可能有排等。

車中途停藍田，到油塘等埋站，落車再入閘，返到屋企已經 9:45 啦。

不過因為故障，兩程車程都是免費的，我諗應該係所有觀塘出閘和油塘上車的乘客都不用付錢。繁忙時間，地鐵應該賺少好多。

４５分鐘返到屋企，都算好彩啩。而我諗，大致上都算滿意安排嘅．．．．


P.S.:啱啱電視新聞報導，剛剛１１點多才通車，７點多出事時原來有三百人被困個多小時。這樣看來，我是好好彩．．．（有時我都會７點幾搭觀塘綫架～）