Last Day Eve

唔經唔覺聽日就 last day 喇（其實等咗好耐，嘻嘻～），老實講，真係有啲唔捨得啲可愛的同事，雖然只係做咗一年多，但日日一齊食飯，都幾 friend，而且一定 friend 過以前一齊做咗五年多的同事（當然都有啲熟啲有啲冇咁熟啦～）。至於間公司．．．OK啦，响依度一開始就冇expect會有幾有歸屬感架啦，大公司嘛，都係比較商業交易 feel 架喇～　人情味呢．．．都係留返自己同事守望相助囉．．．．．

今日冇鬼用呀，衰收尾做錯嘢。可能好似熊貓妹前老細話，一個人喺返工最後一個星期，其實都已經處於彌留狀態（指精神上，或可以是肉體上的「離留」狀態），所以我老細星期二仲俾新嘢我做，都算勇！當然，其實一日收人工，一日都應該交足貨，做錯嘢一定係 No Excuse 嘅，但．．．哈哈～都係做漏咗囉．．．．．不過我都因為咁唔開心咗好一陣～

好，諗返啲開心嘢，聽日我哋會去魚翅城食飯！同事S話，去豪一次喎，好嘢好嘢～！