幸運…忐忑

今早終於打電話confirm了新工作的offer。 Pan常說我行「狗屎運」，這麼快便找到工作，而且一共只找了一份工便獲聘用。雖然我不太喜歡這個名稱，但，我一路走來運氣好像也不錯，連我媽也是這麼說，而我也樂於這麼認為。畢竟認為自己幸運，本身已經是一種福氣了吧！這總比時常自怨自艾好，而且我自小便相信，你要相信自己幸運，才能擁有幸運。

新公司話會再找我簽約。我都幾開心架，因為是做一直希望做的Compensation & Benefits。雖然要走一點回頭路重頭學過，但如果這個工作性質真的適合自己的話也值得，畢竟工作的生涯還很漫長(即是我還很年輕，哈哈哈~!)，做一份不喜歡的工作其實蠻辛苦的。

然後，又有點憂心–我係唔係真係適合ｅ份工？如果唔適合咪好浪費時間？個resume仲會唔靚喎．．．．．．都決定take個risk咯，算啦～．．．．．咁又唔知新工作環境好唔好？同事易唔易相處？如果老細難服侍我就死啦．．．．．

就係咁，好無聊咁諗好多嘢嚇吓自己咁，希望過多幾日習慣咗會少啲嘢諗啦～有時見到小妹轉工好多嘢擔心，都想話佢知，佢家姐做咗咁多年嘢（仲係學人做HR），轉工其實都一樣會「滕」。所以，我諗，咁好正常嘅～！其實都唔驚得咁多架喇．．．．．．