病氣．．．

今日病咗～

早兩日開始有啲傷風感冒流鼻水，諗住會自己好返，點知噚日晏晝喺公司開始胃脹同頭赤赤。

今朝返工前都掙扎咗一陣，但費事老板以為我請假揾工，所以都諗住返工。但返到一半，一路行一路標冷汗，所以唯有打電話俾老板請假．．．．．

之後中西醫都睇哂，因為我唔想食西藥但又想攞醫生紙，所以又出錢又出時間．．．．。中醫冇講我咩事（我都冇八卦問，因為問咗都唔會明），西醫話我腸胃炎加感冒（我自己睇啲病徵都估到九成．．．．）。

我冇食啲西藥，啲中藥同平時嗰啲一樣咁難飲．．．．．食咗一服，好似都一樣係咁「嘔」氣，不過多咗啲勁肚瀉，我諗啲藥幫我排毒啩～